Фальклорнае свята «Місявіцкага ручніка» сабрала аднавяскоўцаў у Місявічах

Сёлета свята праводзiцца ўжо ў сёмы раз. Прысвечанае багатай спадчыне ткацтва і вышыўкі, мерапрыемства сабрала мясцовых жыхароў, гасцей з навакольных вёсак і ўсіх, хто шануе прыгажосць беларускай народнай творчасці. Ткацтва і вышыўка заўсёды былі неад'емнай часткай жыцця мясцовых жанчын, і, як адзначалі ўдзельнікі свята, менавіта тут можна ўбачыць па-сапраўднаму ўнікальныя і багатыя калекцыі вышываных ручнікоў. Адным з самых яркіх момантаў свята стала дэфіле авангарных касцюмаў і галаўных убораў, створаных з ручнікоў. Удзельніцы з Больцішкаў, Доцішкаў, Гiркаў і Радуні змаглi ўразіць гледачоў сваімі яскравымi вобразамі. Завяршылася свята вялізным «Колам сяброўства» з ручнікоў, якое аб'яднала жыхароў і гасцей аграгарадка. Больше фото: https://www.voran.by/news/novosti-voronovshchiny/falklornae-svyata-misyavitskaga-ruchnika-sabrala-adnavyasko-tsa-u-misyavichakh.html