Саўмін зацвердзіў план работы на І паўгоддзе

План работы Савета Міністраў і Прэзідыума Саўміна на першае паўгоддзе 2023 года зацверджаны пастановай урада нумар 976 ад 30 снежня 2022 года, якая афіцыйна апублікавана на Нацыянальным прававым інтэрнэт-партале, паведамляе БЕЛТА. На пасяджэннях Саўміна будуць разглядацца вынікі сацыяльна-эканамічнага развіцця Беларусі за 2022 год і за І квартал 2023-га. Прэзідыум Саўміна будзе абмяркоўваць працаўладкаванне грамадзян і ўтоеныя ад падаткаабкладання даходы фізічных асоб, процідзеянне незаконнаму абароту наркотыкаў, ход рэалізацыі асноўных перспектыўных праектаў арганізацыямі сістэмы Мінпрама, стратэгію развіцця нафтахімічнага комплексу да 2030 года. Размова будзе ісці аб гатоўнасці сельгасарганізацый да веснавых палявых работ у 2023 годзе, выніках аказання арганізацыям дзяржпадтрымкі ў 2022 годзе і выкананні ўмоў яе прадастаўлення. Чыноўнікі вывучаць вынікі работы па выкарыстанні сродкаў інавацыйных фондаў за 2022 год, рэалізацыю дзяржаўных праграм (падпраграм), у тым ліку іх эфектыўнасць. На разгляд Прэзідыума Саўміна вынесуць канцэптуальныя асновы прагнозу сацыяльна-эканамічнага развіцця Беларусі на 2024 год і на перыяд да 2026 года, напрамкі бюджэтна-фінансавай і падатковай палітыкі Беларусі на 2024 год і сярэднетэрміновы перыяд.-0- БЕЛТА - Навiны Беларусi