Як беларусы будуць працаваць і адпачываць у сакавіку, расказалі ў Мінпрацы

Міністэрства працы і сацыяльнай абароны расказала, як беларусы будуць працаваць і адпачываць у сакавіку, паведамляе БЕЛТА. У Беларусі 8 сакавіка святкуюць Дзень жанчын. Гэта дата ў нашай краіне прызнана афіцыйным выхадным. У адпаведнасці з вытворчым календаром у беларусаў у сакавіку 2024 года пры шасцідзённым рабочым тыдні будзе 24 рабочыя дні і 1 перадсвяточны - 7 сакавіка, пры пяцідзённым - 19 рабочых і 1 перадсвяточны. Разліковая норма рабочага часу ў першым месяцы вясны пры 40-гадзінным рабочым тыдні складзе для пяцідзённага рабочага тыдня з выхаднымі днямі ў суботу і нядзелю - 159 гадзін і для шасцідзённага рабочага тыдня з выхадным днём у нядзелю - 164 гадзіны. У ведамстве нагадалі, што разліковая норма рабочага часу ўстаноўлена пастановай Міністэрства працы і сацыяльнай абароны ад 17 лістапада 2023 года нумар 43 "Аб устанаўленні разліковай нормы рабочага часу на 2024 год".-0- БЕЛТА - Навiны Беларусi