У цэнтры ўвагі эканоміка. Крутой правёў нараду ў Гродзенскім аблвыканкаме

13 мая, Гродна /Кар. БЕЛТА/. Кіраўнік Адміністрацыі Прэзідэнта Дзмітрый Крутой з рабочай паездкай знаходзіцца ў Гродзенскай вобласці, перадае карэспандэнт БЕЛТА.

У Гродзенскім аблвыканкаме Дзмітрый Крутой правёў нараду з удзелам старшыні аблвыканкама Юрыя Караева, памочніка Прэзідэнта - інспектара па Гродзенскай вобласці Канстанціна Бурака.

"Сёння разглядаюцца актуальныя пытанні сацыяльна-эканамічнага развіцця рэгіёна. Перш за ўсё работа прамысловасці і сельскай гаспадаркі, якія з'яўляюцца дзвюма ключавымі галінамі, якія займаюць больш як 40 працэнтаў у эканоміцы Гродзенскай вобласці. Таксама ў сферы ўвагі - пералік існуючых вузкаспецыялізаваных пытанняў", - сказаў Дзмітрый Крутой.

Кіраўнік Адміністрацыі падкрэсліў, што не павінна быць дзялення на "свае" і "чужыя" прадпрыемствы, у сферы ўвагі кіраўніцтва рэгіёна павінна знаходзіцца праблематыка ўсіх прадпрыемстваў, у тым ліку і прыватнай формы ўласнасці.

У сваіх дакладах намеснікі старшыні аблвыканкама сканцэнтравалі ўвагу на існуючых праблемах па курыруемых напрамках і мерах, якія прымаюцца для іх вырашэння.

Адзначана, што ў цэлым Гродзенская вобласць паказвае эканамічны рост. Разам з тым галоўным патрабаваннем часу з'яўляецца павышэнне эфектыўнасці задзейнічаных рэсурсаў, максімальнае выкарыстанне існуючага ва ўсіх сферах патэнцыялу для забеспячэння ўстойлівага росту і тэхналагічнага суверэнітэту.-0-